اختبار جميل يحدد شخصيتك؟!

[لك وحدك ربى]

الكلام صحيح كان فى شىء منى
بس انا شايفة ان هذة الاختبارات لا تستطيع تحديد شخصية الانسان بوضوح

[noor elfger]

انا معاكم ان الاختبار مكانشى كامل ليحدد الشخصية
لكن انا مقتنعة ان فى مجموعة اختبارات تقدر تحدد شخصيتنا
مع العلم اننا اصلا مش عارفين نحدد شخصيتنا


_واضح كده ان الاختبار عجبكم

[brave_heart_z]

انا مش معاكى يا دوكتوره ..انا مش معاكى ان فى اختبارت ممكن تحدد شخصيه الانسان ..لانه زى ما قيل ان الانسان كائن فريد متغير ..مش حقل تجارب
لو الانسان اقتنع بهذه الاختبارت ..فمن الممكن ان يفقد شخصيته الحقيقيه ..

وانا على يقين ان الانسان بنسبه كبيره يقدر بنفسه يحدد شخصيته !!
فلو حضرتك لاحظتى ان فى الاختبارت دى ..دايما الواحد بيطلع يقول ..طلعت حاجات فعلا فى شخصيتى دليل على معرفه الانسان بشخصيته ..يبقى ما لهاش لازمه الاختبارت من البدايه

[second to none]

المشاركة الأصلية كتبت بواسطة brave_heart_z [عزيزى الزائر لايمكنك مشاهده الروابط الا بعد التسجيل || للتسجيل اضغط هنا]

انا مش معاكى يا دوكتوره ..انا مش معاكى ان فى اختبارت ممكن تحدد شخصيه الانسان ..لانه زى ما قيل ان الانسان كائن فريد متغير ..مش حقل تجارب
لو الانسان اقتنع بهذه الاختبارت ..فمن الممكن ان يفقد شخصيته الحقيقيه ..

وانا على يقين ان الانسان بنسبه كبيره يقدر بنفسه يحدد شخصيته !!
فلو حضرتك لاحظتى ان فى الاختبارت دى ..دايما الواحد بيطلع يقول ..طلعت حاجات فعلا فى شخصيتى دليل على معرفه الانسان بشخصيته ..يبقى ما لهاش لازمه الاختبارت من البدايه

اعتقد دى اول مره اتفق مع حضرتك يادوكتور بريف هارت بجد رأيك عجبنى جداا

[حبات اللؤلؤ]

الاختبار جميل بس فى حاجات مش منطبقه عليا للاسف
وانا اساسا مش قادره احدد شخصيتى بوضوح

[noor elfger]

اختلاف الراى لا يفسد للود قضية
مش كده برده

[medoquik]

#كان عندى تعليق بسيط على بعض الردود :-----

1-شخصية الانسان مش زيت عربية هتتغير كل شوية التغيرات فى شخصية الانسان بتبقى بضعة مرات فى حياته و بيبقى فيها فى كل مرة حاجات ثابتةيعنى شخصية الانسان فى المرحلة اللى بيتم فيها الاختبار بتبقى ثابتة ولها طباعها ، يعنى لما اقولك انك انطوائى اكيد مش هلاقيك اجتماعى بعد اسبوع انت محتاج على الاقل فترة كبيرة علشان تتعلم تغير من نفسك .. و الا تغيير الطباع كان بأه هيبقى حاجة سهلة و ماكنش حد غلب

2-علماء علم النفس و التنمية البشرية على سنين وعقود عملوا تحاليل و اختبارات و دراسات على أنواع الشخصية و طباع و جوانب و ردود أفعال و مداخل كل شخصية و كيفية التعامل مع كل منها ... و زى ما كرت من قبل الحاجات دى بتتم من نواحى كثيرة عن طريق خط الكتابة و طريقة اللبس و الوان الملابس و النظرات و البرفان اللى بيحطه و طريقة الكلام و التعامل مع الناس و الخ الخ ... و الحاجات دى فعلا بتدرس و تعلم
يعنى فى فرنسا مثلا جزء من التحقيق الجنائى يتم فيه تحليل الشخصية عن طريق خط الكتابة ، و بعض الدعاة بيتعلموا الموضوع دا علشان يعرفوا يتعاملوا مع كل الشخصيات اللى تقابلهم و يعرفوا يوصلولها بسرعة
و الكلام دا هتبقوا تاخدوه ان شاء الله فى سنة خامسة فى راوند السيكاترى أو لو اخدتم فيه دورات تنمية بشرية و هتعرف ازاى تبقى عارف اللى قدامك ممكن يتصرف ازاى و انت ممكن توصله اللى انت عاوزه و تقنعه بيه برضه ازاى

[naruto]

انا شايف ان الاختبار ده يحدد الشخصية النفسية...يعنى معنى انك تتخيل ان باب الكوخ مفتوح معنى كده انك متفائل ولو العكس ده يعنى انك متشائم...او مثلا انك تختار لون الحصان او انك هتهرب بيه او انك تاخد الفلوس ..ده كله ممكن يحدد اذا كنت طماع او لا...لان صفات ذى دى يا دكاترة عمر ماحد هايقولها على نفسه ابدا والناس او الحاجات اللى ذى دى هى اللى هتعرفه...واكيد فى مننا اللى مرضاش ياخد الفلوس عشان ميتكتبلوش انه طماع ولا حاجة.....فى النهاية احب اقول ان الانسان لا يمكن يقدر يحدد شخصيته لوحده لانه مش هايقول على نفسه انانى او طماع او ندل او الى اخره...لازم اصدقائه يشاركوه او حتى اختبارات من دى وان كان البعض شايف انها هايفة فانا شايف انها قمة فى الروعة ولا يعيبه سوى التقييم فى الاخر..لانه مركزش على بعض الصفات


وشكرا يا دكتورة على الموضوع الهايل

[هدفي الجنة]

انا لسة معملتش الاختبار بس واضح من التعليقات لنه مثير وشيق اكتر منه يعطى نتيجة ايجابية

انا هعمله ان شاء الله واوافيكم بالتقرير

[brave_heart_z]

[

المشاركة الأصلية كتبت بواسطة second to none [عزيزى الزائر لايمكنك مشاهده الروابط الا بعد التسجيل || للتسجيل اضغط هنا]

اعتقد دى اول مره اتفق مع حضرتك يادوكتور بريف هارت بجد رأيك عجبنى جداا

شكرا يا دوكتوره .. وطعا الاختلاف فى الراى لا يفسد للود قضيه !!

المشاركة الأصلية كتبت بواسطة medoquik [عزيزى الزائر لايمكنك مشاهده الروابط الا بعد التسجيل || للتسجيل اضغط هنا]

شخصية الانسان مش زيت عربية هتتغير كل شوية التغيرات فى شخصية الانسان بتبقى بضعة مرات فى حياته و بيبقى فيها فى كل مرة حاجات ثابتةيعنى شخصية الانسان فى المرحلة اللى بيتم فيها الاختبار بتبقى ثابتة ولها طباعها ، يعنى لما اقولك انك انطوائى اكيد مش هلاقيك اجتماعى بعد اسبوع انت محتاج على الاقل فترة كبيرة علشان تتعلم تغير من نفسك .. و الا تغيير الطباع كان بأه هيبقى حاجة سهلة و ماكنش حد غلب

طبعا يا دوكتور كلامك صح ..وبقيه كلامك جميل واللى بيزيده ثقل ان حضرتك دارس ..
بس انا لما قلت ان الانسان كائن فريد متغير ما ينفعشى يبقى حقل تجارب ..كنت اقصد الانسان النوع ..مش الانسان الفرد ...كنت اقصد ان شخصيات الناس متغيره ..ما ينفعشى يتطبق عليها اسئله حتميه النتائج زى دى ....
وبالنسبه برده للاختبارت فى طبعا اختبارت متكامله ممكن تدرس الانسان من جوانب كتير ...بس برده علماء النفس والاجتماع اقرو واكدو بصعوبه هذه الاختبارت ...اكرر كلامى نظرا لانها بتدرس كائن فريد "الانسان " ..لو تحب اكمل ..من هذه الصعوبات باختصار ..
- الانسان كائن يستطيع ان يغير نفسه بمجرد شعوره انه تحت الانظار ..تحت الاختبار
-الانسان كائن مزاجى ..انا شخصيتى وانا مضايق واختياراتى فى مثل هذه الاختبارت اكيد مش هتبقى زى نفسيتى وانا فرحان
-فى اسباب كتير ..ما ينفعشى نتنازل عنها ...يكفيها انك انسان !!

المشاركة الأصلية كتبت بواسطة naruto [عزيزى الزائر لايمكنك مشاهده الروابط الا بعد التسجيل || للتسجيل اضغط هنا]

ده كله ممكن يحدد اذا كنت طماع او لا...لان صفات ذى دى يا دكاترة عمر ماحد هايقولها على نفسه ابدا والناس او الحاجات اللى ذى دى هى اللى هتعرفه...واكيد فى مننا اللى مرضاش ياخد الفلوس عشان ميتكتبلوش انه طماع ولا حاجة.....فى النهاية احب اقول ان الانسان لا يمكن يقدر يحدد شخصيته لوحده لانه مش هايقول على نفسه انانى او طماع او ندل او الى اخره...لازم اصدقائه يشاركوه او حتى اختبارات من دى وان كان البعض شايف انها هايفة فانا شايف انها قمة فى الروعة ولا يعيبه سوى التقييم فى الاخر..لانه مركزش على بعض الصفات

كلامك برده جميل ..هو فعلا الانسان مش هيقول عن نفسه ان هو انانى او طماع ..وعشان كده برده بيبقى حريص على اختياراته فى الاختبارت دى ..فأنا ما اضمنشى ان هو يكون صادق ..مش عاوز اكرر كلامى !!
بس عجبنى منك اوى كلامك ان الانسان ممكن يستعين بصديقه ..فالصديق الحق مرأه لصديقه ..هو ده الكلام ..مش تقولى اختبارت !!


عذرا ثم عذرا ثم عذرا للاطاله