عينى عليكى دمعت

[أمة الله]

عينى عليكى دمعت

سلام عليكم ورحمته وبركاته
من غير مقدمات وكلام كتير
احنا طبعا شايفين ايه الى بيحصل فى فلسطين والمسجد الاقصى فلازم يا شباب نتحرك ونعمل حاجه لو مكناش احنا الى هنعمل مين بس الى هيعمل
وتذكيرا بالقضيه انا جايبالكم النهارده شغل movie maker وهو اول تجربه ليا انا عارفه انه مش حلو اوى بس ع قد مقدرت وياريت بجد تاثر فينا كلنا ونتحرك
ومستنيا رايكم
جزاكم الله خيرا
بعنوان عينى عليكى دمعت
ودا الرابط
[عزيزى الزائر لايمكنك مشاهده الروابط الا بعد التسجيل || للتسجيل اضغط هنا]

[smart doctor]

جزاكم الله خيرا ، وجعله في ميزان حسناتكم ، مجهود طيب


لي تعليقات فنية علي الفيديو

- هذا العمل كشغل movie maker و كبداية ممتاز جدا ، و لا أبالغ.

- حضرتك محتاجة للمزيد من الصور لتدعيم المواقف أكثر ، كما فعلت في بداية الكليب ، مثلا عند عبارة " صورة بدت ما تنتسي ... " حضرتك وضعت صور أطفال قتلي ، و عند عبارة " إن مالت أيام القهر ميلي علي رجالك" حضرتك حطيتي صورة الأستاذ خالد مشعل ، و هو ده المطلوب ، لكن كان المفروض حضرتك تكملي بنفس الطريقة مثلا عند عبارة " ما مر حد من الأهل يحكي إلك مالك" كان الأفضل و ضع صور الحكام العرب مثلا ، و في مناطق أخري يوضع معبر رفح مغلق ..... ، و هكذا ، بحيث يتحقق تفاعل كامل مع الكليب ليكون أكثر تأثيرا علي المشاهد.

- لو حضرتك بتحبي المجال ده أكيد هتبدعي فيه كما أري الأن ، لذك استمري فيه ، لكن إذا كان حضرتك هتشتغلي علي الصور فقط ممكن يكفي الـ movie maker بالغرض ، أما التعامل مع الفيديو و المؤثرات و إنتاج أعمال أفضل ، وحاجات تانية في الصور مثل (multi-cam view) فهناك برامج أخري أفضل بكثير لأن الـ movie maker عبارة عن مجرد اكسسوار في الويندوز و لا يعتبر متميزا في مجال المونتاج ، لدرجة ان في أنظمة التشغيل الحديثة مثل (Windows 7) تم حذفه منها ، لكنه يتميز بسهولته و بساطته عن كل البرامج الأخري تقريبا ، لكن كما ذكرت هذا يتوقف علي درجة العمل المطلوبة ، يعني مثلا : يوجد برنامج اسمه ProShow Producer ده متميز عن موفي ميكر بأن فيه مؤثرات كثيرة للصور و حاجات كتير ، يوجد درجة أعلي من ذلك للعمل في الفيديو مع برنامج MAGIX Movie ،.....، و هكذا حتي الوصول لبرنامج Final Cut و Adobe premiere و ِ After Effects الذين يتم استعمالهم في الفضائيات ، وليس هناك درجة أعلي من ذلك. ( و المقياس شوفي حضرتك عاوزة أيه إذا الموفي ميكر عمله ، خير و بركة و إن لم يكن فبرنامج أخر كما ذكرت ).

- قلت هذه المعلومات لأنه عندنا - نحن - العرب يكون عندنا الموهبة في الكمبيوتر و الحس الفني ، لكن لا توجد الخبرة التي نحتاجها في التنفيذ ، لدرجة اني في الاعدادية كنت ابحث عن شخص يعلمني الـ Movie maker فلم أجد و تعلمته بنفسي ، و كون حضرتك تنتجي عمل زي ده و أول مرة في الـ movie maker فده بحد ذاته إنجاز ، فقط المزيد من التعليم.

- أي استفسار عن أي شيء في المونتاج ، أي صور ، أي مقاطع كليبات ، احنا في الخدمة ، عندي أرشيف فيديو و صور خاصة بما يتعلق بالقضية الفلسطينية ، أو استوقف حضرتك مقطع في نشرة إخبارية .... الخ ، فقط اكتبيه كرد في الموضوع و إن شاء الله يكون عندك لو بالإمكان.

معذرة للإطالة و لا تحرمونا من إبداعاتكم ، و أنا شخصيا أحترم كلمة حصريا و كلمة مجهودي و أكره كلمة منقول ، خاصة إذا كان النقل من منتدي عربي.

[أمة الله]

اولا جزاكم الله خيرا د/سمارت على المرور والاهتمام بالموضوع
ثانيا انا اسفه جدااااااااا على التاخر فى الرد لان الايام الى فاتت كنت مشغوله جداااااااااا ومكنتش قادره ادخل المنتدى
وبالنسبه لتعليق حضرتك فعلا مظبوط ميه فى الميه انا فعلا كانت المشكله عندى موضوع الصور ومكنش فى متسع من الوقت انى انزل من على النت لانى كان نفسى ارفع الشغل على المنتدى بعد الوقفه التضامنيه ع طول والحمد لله تم ذلك
وفعلا والله انا بحب المجال ده بس برضه مش لاقيه حد يعلمنى فبحاول انى اعلم نفسى وفعلا زى محضرتك ذكرت ان شغل الموفى ماكر يعتبر بسيط اوى بس للاسف انا معرفش برامج تانيه واول مره اسمع عن البرامج الى حضرتك ذكرتها
وبما انى فعلا نفسى استمر فى الموضوع فياريت حضرتك تنزلنا ارشيف الصور وترشحلى افضل برنامج من وجهه نظر حضرتك بس يكون سهل شويه ولو مفهاش تعب لحضرتك ياريت تجبهولى لانى بجد بدوخ ع لما احمل البرامج وفى الاخر مبتشتغلش

(بس حضرتك خد بالك لو ساعدتنى دلوقتى ممكن بعد سنه او اقل ان شاء الله ابدع بجد وانافس حضرتك
ففكر تانى قبل المساعده؟؟؟؟؟؟؟؟؟؟)

[Noor_eldeen35]

جميل جدًا ان يوجد من يهتمّ بالابداع الفنّي سواءًا كان تصميمًا ببرامج الرسم والتصميم ، أو ببرامج الفيديو ..


أحترم الابداع جدًا لعلمي انه سلعة نادرة ، والأكثر ندرة هم أهلها ..
لعلّنا نبدأ دروسًا بالفوتوشوب ، وسيسعدنا انضمامكم اليها ..


جزيتم خيرًا ، وبداية موفّقة .

[medoquik]

جميلة اوى الفكرة و الأجمل إن فيه ناس فى سنة اولى بتهتم بالتصاميم ربنا يعينكم وتكملوا قبل ما الطب ياخدكم فى دواماته... تقبل الله منكى

[أمة الله]

جزانا واياكم خيرا د/ نور الدين واكيد ان شاء الله معاكم فى تعليم الفوتوشوب لانى والله نفسى من زمااااااااااان جدا اتعلمه لانى بس للاسف مش لاقيه حد يعلمهولى وياريت تكون بسرعه لانى محتاجاه الايام الى جايه جدااااااااااااااا

[أمة الله]

المشاركة الأصلية كتبت بواسطة medoquik [عزيزى الزائر لايمكنك مشاهده الروابط الا بعد التسجيل || للتسجيل اضغط هنا]

جميلة اوى الفكرة و الأجمل إن فيه ناس فى سنة اولى بتهتم بالتصاميم ربنا يعينكم وتكملوا قبل ما الطب ياخدكم فى دواماته... تقبل الله منكى

تقبل الله منا ومنكم جزاكم الله خيرا ع الاهتمام

[Noor_eldeen35]

بعد أن شاهدته ، ولم أكن بعد قد شاهدته ، أكرر شكري لكم على العمل الرائع ، ..

وبصدق ..

ان شاء الله ..
لكم مستقبلــ

فاستمرّوا في التعلّم و .. الصبر

[أمة الله]

المشاركة الأصلية كتبت بواسطة Noor_eldeen35 [عزيزى الزائر لايمكنك مشاهده الروابط الا بعد التسجيل || للتسجيل اضغط هنا]

بعد أن شاهدته ، ولم أكن بعد قد شاهدته ، أكرر شكري لكم على العمل الرائع ، ..

وبصدق ..

ان شاء الله ..
لكم مستقبلــ

فاستمرّوا في التعلّم و .. الصبر

جزاكم الله خيرا مره تانيه والله انا مش عارفه اقولكم ايه انا كنت منزلاه على اساس انه مش هيعجب حد ولو عجب مش هيكون اوى وكنت ناويه ان دى اول واخر شغل ليا
لكن والله انتم ادتونى دافعه كبيره اوى وناويه اكمل ان شاء الله
وفى انتظار رد د/سمارت عشان الارشيف والبرنامج

[smart doctor]

المشاركة الأصلية كتبت بواسطة أمة الله [عزيزى الزائر لايمكنك مشاهده الروابط الا بعد التسجيل || للتسجيل اضغط هنا]

ياريت حضرتك تنزلنا ارشيف الصور وترشحلى افضل برنامج من وجهه نظر حضرتك بس يكون سهل شويه ولو مفهاش تعب لحضرتك ياريت تجبهولى لانى بجد بدوخ ع لما احمل البرامج وفى الاخر مبتشتغلش

* بالنسبة للأرشيف فهاردي كبيـــــــــــــــــــــر جدا و الارشيف موزع فيه ، فلا يمكن بأي حال و ضعه بالكامل ، سأنتقي منه بعض المجموعات و بعدها إن لم يكن المطلوب ضمن هذه المجموعات فقط ، اطلبيه هنا ايضا بالتحديد ، لأنه ربما يوجد ملفات في الهارد و لا اعرف مكانها لانه 640 جيجا ، فالتحديد أفضل ، ===> و سأجمعهم و ارفعهم بحيث يكون جاهز بكرة بحد أقصي إن شاء الله.

* بالنسبة لأفضل برنامج هو Adobe premiere و مكمله Adobe after effects ،، و هو ما أعمل عليه الأن ، لكن المشكلة أن البرنامج صعب نسبيا في البداية ( يحتاج شرح فيديو ) ، كما أنه يحتاج لإمكانيات جهاز جيدة بحد أدني مساحة الـ (C) أو ( البارتيشن اللي متسطب فيه الويندوز ) ،
15 GB
RAM = 2 GB
Processor = 3GHz

- لا يدعم الكتابة باللغة العربية بصورة مباشرة.

-------------------------------------

برنامج MAGIX Movie edit pro 15

سهل ، يدعم العربية ، له شروحات عربية كثيرة ، نتائجه جيدة ، كثير من الشباب يستخدمونه. ( للتعامل مع الفيديو بشكل أساسي و الصور بشكل جزئي )

هذا لينك للبرنامج ، إن لم يعمل إخبريني ارفعه ثانية ، لأن هذا اللينك ليس من جهازي.

[عزيزى الزائر لايمكنك مشاهده الروابط الا بعد التسجيل || للتسجيل اضغط هنا]

شرح مبدئي (صور )للبرنامج :

[عزيزى الزائر لايمكنك مشاهده الروابط الا بعد التسجيل || للتسجيل اضغط هنا]

بعض الفيدوهات لشرح البرنامج :

[عزيزى الزائر لايمكنك مشاهده الروابط الا بعد التسجيل || للتسجيل اضغط هنا]

* ملحوظة: الشرح لإصدار سابق فربما يوجد بعض الاختلافات ، لكن لا داعي للقلق الفروق بسيطة بإذن الله.

* الملف مضغوط و بداخله ملفين ، أولا : فك الضغط عن البرنامج - ثانيا: يتم تنصيب الملف ذو الاسم الاطول غالبا : movie_edit_pro_15_plus_195mb_us_uk.exe

ثالثا : إغلاق البرنامج ووضع الملف الاخر MovieEdit.exe في مسار تحميل البرنامج و بذلك يكون البرنامج كامل.

--------------------------------------------


برنامج ProShow Producer

- أظن هو ده الطلوب الان - متخصص في عروض الصور ، مؤثرات روعة ، سهل جدا ( و علي فكرة في حاجات فيه بتتعمل أسهل من البريميير اللي ذكرناه فوق) - يقبل الفيديو ايضا ، لكن كما قلت البرنامج لمن يريد التعامل باحتراف مع الصور.

* البرنامج و شرحه في هذه الصفحة :


[عزيزى الزائر لايمكنك مشاهده الروابط الا بعد التسجيل || للتسجيل اضغط هنا]

-------------------------------------------

أي إشكالية أي استفسار - احنا في الخدمة ،، بس زي ما الدكتور نور الدين كتب : الصبر العامل الاول في تعلم هذا المجال بالذات.
-------------------------------------------

بس حضرتك خد بالك لو ساعدتنى دلوقتى ممكن بعد سنه او اقل ان شاء الله ابدع بجد وانافس حضرتك

مع الصبر سيكون أقل من ذلك بإذن الله ، و المبشرات كويسة جدا كما ذكرت ، وبالتوفيق إن شاء الله.