use your mind

[dr.sho]

use your mind

حكم أحد الملوك على شخصين بالإعدام لجناية ارتكباها،

وحدد موعد تنفيذ الحكم بعد شهر من تاريخ إصداره

وقد كان أحدهما مستسلما خانعا يائسا قد التصق بإحدى

زوايا السجن باكيا منتظرا يوم الإعدام...

أما الآخر فكان ذكيا لماحا طفق يفكر

في طريقة ما لعلها تنجيه أو على الأقل تبقيه

حيا مدة أطول جلس في إحدى الليالي متأملا

في السلطان وعن ...مزاجه وماذا يحب وماذا يكره

فتذكر مدى عشقه لحصان عنده حيث كان يمضي

جل أوقاته مصاحبا لهذا الحصان وخطرت له

فكرة خطيرة فصرخ مناديا السجان

طالبا مقابلة الملك لأمر خطير،

وافق الملك على مقابلته وسأله

عن هذا الأمر الخطير قال له السجين

إنه باستطاعته أن يعلم حصانه الطيران

في خلال 10 سنوات بشرط تأجيل إعدامه

وقد وافق الملك حيث تخيل نفسه راكبا

على الحصان الطائر الوحيد في العالم

سمع السجين الآخر بالخبر وه

و في قمة الدهشة قائلا له: أنت تعلم أن الخيل لا يطير

فكيف تتجرأ على طرح مثل تلك الفكرة المجنونة؟!

قال له السجين الذكي أعلم ذلك ولكنني منحت نفسي

أربعة فرص محتملة لنيل الحرية:

أولها أن يموت الملك خلال هذه العشر سنوات


وثانيها لربما أنا أموت وتبقى ميتة الفراش أعز من الإعدام

والثالثة أن الحصان قد يموت

والرابعة قد أستطيع أن أعلم الحصان الطيران
في كل مشكلة تواجهك لا تيأس ولا تقنط وترضخ لحل وحيد.

. أعمل عقلك واشحذ ذهنك وأوجد عشرات الحلول فلعل في أحدها يكون النجاح والتفوق

[أمة الله]

جزاكم الله خيرا
فعلا مش عارفه ليه احنا(او انا بالاخص معرفش الباقى ايه اخبارهم) لما بنقع فى مشكله بحس ان دماغنا بتقفل وخلاص مش قادرين نفكر مع ان الحل ساعات بيكون سهل جداااااا
لكن لو مشكله متخصناش احنا نطلعلها الف حل وحل
صح ولا ايه؟؟؟؟؟؟؟؟(بالله عليكم قولوا صح عشان مبقاش انا لوحدى الى بحس كده!!!!!!!!!!)

[medoquik]

جزاكى الله خيرا على الموضوع

المشكلة فعلا ان احننا ما بندربش ازاى لما نقع فى مشلكة نحاول نستخدم عقلنا بدل عواطفنا لان بطبيعتنا تغلب علينا العاطفة زائد ان احنا ما اتعلمناش ازاى نعرف نحلل أى موقف نقع فيه و نوجد الحلول المنطقية و فيه اصلا دورات تنمية بشرية للتدريب على مثل هذه المهرات و دول الغرب بيعلموا التلاميذ فى المدرسة مثل هذه المهارات و بيعلموهم كمان طرق الحوار .. و أظن أنا متفق مع الأخت أمة الله لأن الانسان لما بيكون بيفكر فى مشكلة حد تانى مابيكونش محطوط فى الموود العاطفى بتاع الموقف فبيقدر يشغل الفص الايسر للمخ فى التحليل و الاستنتاج من غير ما يكون فيه هيمنة من الفص الايمن للمخ و الذى يحكم العواطف

و ربنا يباركلك يا dr.sho انك فتحتى حاجة زى كده علشان ننوه على بعض ان احنا لازم نتعلم المهارات دى و نبدا ندرب نفسنا عليها

[راية الإسلام]

جزاكم الله خيرا كثيرا ......

[dr_m.a]

موضوع رائع جدااااا ويارب الكل يستافدوا من هذه القصة

[dr.sho]

(بالله عليكم قولوا صح عشان مبقاش انا لوحدى الى بحس كده!!!!!!!!!!)
ايوه صح بتحصل كتيييييييير



فيه اصلا دورات تنمية بشرية للتدريب على مثل هذه المهرات
فعلا انا بدات فيها حاسه بفرق كبييييير يمكن لسه ماوقعتش فى مشكله جامده بس حتى اسلوب التعامل مع منع حدوث المشكله من البدايه بقه احسن الى حد ما عندى
نصيحه بجد بتفرق جاااااامد


جزاكم الله خيرا كثيرا ......
اكثر الرحمن من ابتسامتكم وجزانا واياكم


موضوع رائع جدااااا ويارب الكل يستافدوا من هذه القصة
والاروع مروركم نورتى فعلا بسيطه بس ليها معنى كبييييير

[حبات اللؤلؤ]

تسلم ايدك يا دكتور فعلا بتحصل كتييير

[naruto]

انا شايف ان لو الواحد مننا بقى هادى كده وخد الامور ببساطة كل حاجة هتبقى تمام
حتى لو كانت المشكلة عويصة فالياس على الاقل مش هيفيد ابدا
وانا الحمد لله مش كده ابدا وعمرى ميأست من اى حاجة ولله الحمد
يا جماعة اى حاجد ممكن تحصل لانها مش بعيدة على ربنا

اشكرك على الموضوع والقصة الجميلة

[znkoool]

جزاكم الله خيرا
موضوع جميل و فكره جميله
بس يا ترى نقدر يكون تفكيرنا ايجابى على طول

[هدفي الجنة]

جزاك الله خيرا وابعد عنك كل مشاكل وهموم الدنيا ورزقك الحكمة والسداد في حل اى مشكلة تعترض طريقك

بجد انا ساعات لما بتحصلى مشكلة بشوف الدنيا سوداء مفهاش الوان خالص "وكان الكهرباء قطعت عن مخى فجأة "

وعلطول اروح اصلى واشكى لربي همى ومشكلتى

وسبحان الله قبل ما اخلص صلاة يلهمنى ربي لحل المشكلة او الاقى الحل جاى من طرف اخر "

من كان الله معه فمن عليه

لا تقل يا رب عندى هم كبير ولكن قل يا هم لي رب كبير